قال الطريق
**********
فـكّ الليالـي سطـوته خـانـت وعـود
صاح الحزن ناب الدجى عضّ الشعور
جرح ٍعلـى جرح ٍوانا جـار الوجـود
بابـي ينـادي الـريّ مـن كـاس السرور
ريح الهواجيـس حجمها فاق الحدود
والعـن هـواجيـس شـفـتها بنـت الغرور
قال الطـريق الحـرّ : إيـّاك الـشـرود
قنص العــلا دسّ المتـاعب في الصدور
عـزم ٍوفـيـر ٍسخّـره صـبـري وقـود
ضـوّ احـتمـالـي معـجـزه سـوّت جـسور
في رحلتي فكري مكوك عقلي يقود
حـربـي عـلـى الشـكّ الـذي جـنّ الـبـدور
جـوع القلم ذاق الزمـن حتـى يعـود
ويّا الـحـقـيـقــة مـن مـجــرّات الـدهــور
ما صدّني موت ٍ ولا سيـف الجمود
عـن فـزعة ٍ تـقـضـي علـى دمّ الـشـرور
عند الصعـايب ثروتي نور ٍ صمود
يــهــدي ولا يـبــنــي ديــاره لـلـفـجــور
سـرّ الـبـلايـا مزنة ٍ تسقـي الورود
للمـؤمـن اللي فـي الرضـا دام الحـضور
دنـيـا تـخادع تمـتـطـي وهـم ٍ ولود
والحـقّ واضـــح فــي كــلام ٍ لا يــبـــور
كـم شاعر ٍ برّ الشعـر نـال الخـلود
صان الـتـجارب فـي خـفوق ٍ كالـقـصـور
ليست هناك تعليقات:
إرسال تعليق